થોડા દિવસ પહેલાં કલેક્ટર સામે સોશિયલ મીડિયા પર ધરણાંનું કવરેજ, હવે એ જ કલેક્ટરની કામગીરીની પ્રશંસા કરતી પ્રેસનોટ અને તસવીરો પ્રકાશિત
વલસાડમાં કલેક્ટર નીતિન સાંગવાન સામે પત્રકારોના ધરણાંએ થોડા દિવસ પહેલાં ચર્ચા જગાવી હતી. રસપ્રદ વાત એ હતી કે ધરણાંનું મોટાભાગનું કવરેજ Instagram, YouTube અને અન્ય સોશિયલ મીડિયા પ્લેટફોર્મ પર જોવા મળ્યું.
હવે થોડા જ દિવસોમાં દૃશ્ય બદલાયું છે. ‘ક્લિન તિથલ-ક્લિન વલસાડ’ અભિયાનમાં કલેક્ટર નીતિન સાંગવાન પોતે સફાઈ કરતા હોય તેવી તસવીરો સાથે તેમની કામગીરીની પ્રશંસા કરતી સરકારી પ્રેસનોટ પ્રકાશિત થઈ છે.
અહીં વ્યંગ સાથે સવાલ એટલો જ—ધરણાં વખતે એક દિવસ માટે ‘સોશિયલ મીડિયા ઈન્ફ્લુએન્સર’ અને હવે પ્રેસનોટ સાથે ફરી ‘અખબાર-ટીવી-વેબસાઈટના પત્રકાર’!
જે સોશિયલ મીડિયા ઈન્ફ્લુએન્સરોની ભૂમિકા સામે અગાઉ સવાલો ઉઠ્યા હતા, એ જ પ્લેટફોર્મ ધરણાંના કવરેજ માટે કામે આવ્યું અને હવે સરકારી પ્રેસનોટ ફરી પરંપરાગત મીડિયા માધ્યમોમાં.
તો આખરે સવાલ કલેક્ટરનો છે કે ‘પત્રકાર’ અને ‘ઈન્ફ્લુએન્સર’ની વ્યાખ્યાનો?
નોંધ: આ ઘટનાક્રમમાં રહેલા વિરોધાભાસને વ્યંગાત્મક રીતે રજૂ કરવામાં આવ્યો છે. ધરણાં અને ત્યારબાદની પ્રેસનોટ વચ્ચે કોઈ સીધો સંબંધ હોવાનો દાવો કરવામાં આવતો નથી.
