વકૃત્વ સ્પર્ધામાં પ્રથમ અને દ્વિતીય ક્રમ, ક્વિઝ સ્પર્ધામાં તૃતીય સ્થાન મેળવી શાળાનું ગૌરવ વધાર્યું
“જે કરે પરિશ્રમ અપાર, તે પામે સફળતા અપાર” આ ઉક્તિને સાર્થક કરતા વાપીની શ્રી એલ.જી. હરિયા મલ્ટી પર્પઝ સ્કૂલના વિદ્યાર્થીઓએ સેલવાસ સ્થિત પ્રભાત સ્કોલર્સ એકેડેમી દ્વારા તા. 4 ઓગસ્ટ, 2026ના રોજ આયોજિત ઇન્ટર સ્કૂલ વકૃત્વ સ્પર્ધા અને ક્વિઝ કોમ્પિટિશનમાં ઉત્કૃષ્ટ પ્રદર્શન કરીને શાળાનું નામ રોશન કર્યું છે.
સ્પર્ધામાં વિવિધ શાળાઓના વિદ્યાર્થીઓએ ઉત્સાહપૂર્વક ભાગ લીધો હતો. તેમાં શ્રી એલ.જી. હરિયા મલ્ટી પર્પઝ સ્કૂલના વિદ્યાર્થીઓએ પોતાની પ્રતિભા અને આત્મવિશ્વાસથી શ્રેષ્ઠ સ્થાન પ્રાપ્ત કર્યું હતું.
વિજેતાઓની વિગતો:
- ગ્રુપ-1 (વકૃત્વ સ્પર્ધા): કુમારી સીયા પટેલ (ધોરણ-4) – પ્રથમ ક્રમ
- ગ્રુપ-2 (વકૃત્વ સ્પર્ધા): કુમારી આન્યા રાય (ધોરણ-7) – દ્વિતીય ક્રમ
- ગ્રુપ-3 (ક્વિઝ સ્પર્ધા): માસ્ટર અનમોલ શ્રીવાસ્તવ (ધોરણ-10) અને માસ્ટર રિશી મિશ્રા (ધોરણ-11) – તૃતીય ક્રમ
સ્પર્ધામાં વિજેતા બનેલા તમામ વિદ્યાર્થીઓને કૌશિક હરિયા એજ્યુકેશનલ ફાઉન્ડેશનના ચેરમેન શ્રી એ.કે. શાહ, મેનેજિંગ ટ્રસ્ટી શ્રી બિમલ હરિયા, શાળાના આચાર્ય શ્રીમતી બિન્ની પોલ તેમજ સમગ્ર શિક્ષકવૃંદે અભિનંદન પાઠવી તેમના ઉજ્જવળ ભવિષ્ય માટે શુભેચ્છાઓ વ્યક્ત કરી હતી.
