₹2,434 કરોડના ફંડની તપાસ વચ્ચે અલીબાગની ₹336 કરોડની જમીન એટેચ; અગાઉ ₹1.86 કરોડ રોકડ અને ₹99.47 કરોડની સંપત્તિ ફ્રીઝ કર્યાનો EDનો દાવો
મુંબઈ/વાપી: દમણ, સરીગામ અને સેલવાસમાં મેન્યુફેક્ચરિંગ યુનિટ ધરાવતી Jai Corp Limited સામે Enforcement Directorate એટલે કે EDની મની લોન્ડરિંગ તપાસમાં મોટી કાર્યવાહી સામે આવી છે.
EDની 6 ઓક્ટોબર, 2026ની પ્રેસનોટ મુજબ, મુંબઈ ઝોનલ ઓફિસ-IIએ અલીબાગમાં આવેલી 88.47 એકર જમીનના પાર્સલને Provisional Attachment હેઠળ લીધા છે. ED મુજબ આ મિલકતોની હાલની બજાર કિંમત આશરે ₹336 કરોડ છે.
આ તપાસ Prevention of Money Laundering Act એટલે કે PMLA હેઠળ ચાલી રહી છે. EDના જણાવ્યા પ્રમાણે CBIની FIR અને Bombay High Courtના 31 જાન્યુઆરી 2025ના આદેશ બાદ આ તપાસ શરૂ થઈ હતી. કેસમાં Jai Corp Limited ઉપરાંત Urban Infrastructure Venture Capital Limited, Urban Infrastructure Trustees Limited અને અન્ય સંસ્થાઓના નામનો ઉલ્લેખ છે.
EDના જણાવ્યા પ્રમાણે, વર્ષ 2006-07માં Jai Corp Limited દ્વારા Urban Infrastructure Venture Capital Fund શરૂ કરવામાં આવ્યું હતું. આ ફંડ મારફતે જાહેર ક્ષેત્રની બેન્કો અને અન્ય નાણાકીય સંસ્થાઓ સહિત રોકાણકારો પાસેથી આશરે ₹2,434 કરોડ એકત્ર કરવામાં આવ્યા હતા.
EDનો આરોપ છે કે આ નાણાં વિવિધ Special Purpose Vehicles એટલે કે SPVsમાં રોકવામાં આવ્યા હતા અને તેનો ઉપયોગ રિયલ એસ્ટેટ પ્રોજેક્ટ્સ માટે થયો હતો.
તપાસમાં ફંડની મુદત મંજૂર સમયમર્યાદા બાદ પણ SEBIની મંજૂરી વિના લંબાવવામાં આવી હોવાનો EDનો દાવો છે. ત્યારબાદ SEBI દ્વારા ફંડ બંધ કરવાની કાર્યવાહી કરવામાં આવી હતી.
EDના જણાવ્યા પ્રમાણે, SPVsમાં ફંડના હિસ્સાની Fair Valueને કથિત રીતે ઓછી આંકીને ₹269.20 કરોડના મૂલ્યે ગણતરી કરવામાં આવી હતી.
EDનો વધુ આરોપ છે કે ફંડની બાકી રહેલી units પાંચ એવી સંસ્થાઓ દ્વારા ઓછા મૂલ્યે હસ્તગત કરવામાં આવી હતી, જે Jai Corpના પ્રમોટર્સ સાથે સંબંધિત હોવાનું તપાસમાં સામે આવ્યું છે.
EDએ ખાસ કરીને Neelkanth Township and Constructions Private Limited નામના SPVનો ઉલ્લેખ કર્યો છે. EDના જણાવ્યા પ્રમાણે UIVCF દ્વારા આ SPVમાં આશરે ₹51 કરોડનું રોકાણ કરવામાં આવ્યું હતું.
આ SPV દ્વારા અલીબાગમાં જમીન ખરીદવામાં આવી હતી. EDનો આરોપ છે કે જમીનની વાસ્તવિક બજાર કિંમતને કથિત રીતે ઓછી દર્શાવી જમીનનું મૂલ્ય ઘટાડવામાં આવ્યું હતું.
EDના જણાવ્યા પ્રમાણે આ પ્રક્રિયાથી આશરે ₹230 કરોડની Proceeds of Crime ઊભી થઈ હોવાનું તપાસમાં સામે આવ્યું છે. આ જ સંદર્ભમાં ₹230 કરોડની કિંમતની મિલકતો એટેચ કરવામાં આવી છે, જેની હાલની બજાર કિંમત ED મુજબ ₹336 કરોડ છે.
EDની પ્રેસનોટ મુજબ અગાઉની Search Operation દરમિયાન આશરે ₹1.86 કરોડ રોકડ જપ્ત કરવામાં આવી હતી.
આ ઉપરાંત Demat Accounts અને Mutual Fundsમાં રહેલી આશરે ₹99.47 કરોડની સંપત્તિ Freeze કરવામાં આવી હોવાનો પણ EDનો દાવો છે.
દમણ–સરીગામ–સેલવાસ કનેક્શન શું?
Jai Corp Limitedની સત્તાવાર વિગતો મુજબ કંપનીની મેન્યુફેક્ચરિંગ હાજરીમાં દમણ, સરીગામ અને સેલવાસ જેવા દક્ષિણ ગુજરાત અને કેન્દ્રશાસિત પ્રદેશના ઔદ્યોગિક વિસ્તારોનો સમાવેશ થાય છે.
જોકે, EDની 6 ઓક્ટોબરની પ્રેસનોટમાં દમણ, સરીગામ કે સેલવાસની મેન્યુફેક્ચરિંગ યુનિટ પર દરોડા કે એટેચમેન્ટની વાત કરવામાં આવી નથી. હાલની કાર્યવાહી અલીબાગની જમીન અને Urban Infrastructure Venture Capital Fund સંબંધિત તપાસ સાથે જોડાયેલી છે.
આ સમગ્ર મામલે EDની તપાસ હજુ ચાલુ છે. ED દ્વારા કરવામાં આવેલા આરોપો તપાસના તબક્કામાં છે અને અંતિમ કાનૂની નિષ્કર્ષ સક્ષમ કોર્ટની પ્રક્રિયા બાદ જ નક્કી થશે.
દમણ–સરીગામ–સેલવાસમાં ઔદ્યોગિક હાજરી ધરાવતી Jai Corp સામેની ED તપાસ હવે માત્ર અલીબાગની જમીન સુધી સીમિત રહેશે કે તપાસની કડી કંપનીના અન્ય વ્યવહારો અને યુનિટ્સ સુધી પહોંચશે? એ જોવું મહત્વપૂર્ણ રહેશે.
