આચાર્ય ચાણક્યથી મોટો રણનીતિકાર ભારતભૂમિ પર બીજો કોઈ થયો નથી. નંદ વંશ જેવા શક્તિશાળી સામ્રાજ્યને પોતાની બુદ્ધિના બળે ઉખાડી ફેંકનાર ચાણક્ય કહે છે કે, શત્રુ કે તમારા બિઝનેસ કોમ્પિટીટર (સ્પર્ધક) ને હરાવવા માટે હંમેશા હથિયાર ઉપાડવાની કે ગુસ્સો કરવાની જરૂર નથી હોતી. જીત મેળવવાના 3 અમોઘ નિયમો આ મુજબ છે:
1. શત્રુને ક્યારેય નબળો ન ગણવો:
સૌથી મોટી ભૂલ વિરોધીને કમજોર સમજવાની છે. તેની દરેક ચાલ, તેની શક્તિ અને તેની નબળાઈઓ પર બારીકાઈથી નજર (માર્કેટ રિસર્ચ) રાખવી જોઈએ.
2. તમારી ભાવનાઓ પર કાબૂ રાખવો:
જો શત્રુ તમને ગુસ્સો અપાવવામાં સફળ થઈ જાય, તો સમજો કે તમે અડધી લડાઈ હારી ગયા. ક્રોધમાં માણસ ભૂલો કરે છે. શત્રુ સામે હંમેશા શાંત મનથી રણનીતિ ઘડવી.
3. તમારી ખુશી એ શત્રુની સૌથી મોટી સજા છે:
ચાણક્ય અનુસાર, જો તમારો વિરોધી તમને નુકસાન પહોંચાડવાનો પ્રયત્ન કરે, તો પણ તમારી પ્રગતિ અને ચહેરા પરની ખુશી ક્યારેય ઓછી ન થવા દો. તમારી સફળતા જ તમારા શત્રુ માટે સૌથી મોટો પ્રહાર સાબિત થશે.
